Алматы әкімдігі ҚАЖ департаментіне жаңа көліктер табыстады, – деп хабарлайды Polisia.kz.
Алматы қаласы бойынша қылмыстық-атқару жүйесі департаменінің пробациялық қызметіне Алматы қаласының әкімдігі Алматы қаласы полиция департаменті мен қалалық прокуратура басшылығының қолдауымен алты Chevrolet қызметтік көлігін табыстады.
Республикадағы ең ірі мегополисте басқа қалалармен салыстырғанда пробациялық қызметтің есебіне алынған сотталғандар санының үлес салмағы да басым. Мысалы, Алматы қаласы бойынша 2025 жылдың алғашқы үш айында пробациялық қызметтің есебінен 3500-ден астам сотталған өтті. Олардың ішінде 503 әйел мен кәмелеттік жасқа толмаған 15 жасөспірім бар.
- Сотталғандарға дер кезінде бақылау жасау сотталғандардың қайталап қылмыс жасауы сияқты фактілердің алдын алатыны сөзсіз. Пробациялық бақылау қызметінің есебіне алынғандардың ішінде алаяқтық пен ұрлық үшін сотталғандар басым. Сондай-ақ Қылмыстық кодекстің 296-бабымен сотталғандар да жиі тіркеледі. Пробация инспекторлары есептегі сотталғандарды аптасына бір рет тұрғылықты жері бойынша мекенжайларына барып тексереді. Ал Алматы қаласы сияқты аумақты аймаққа қызмет көрсету үшін қызметтік автокөлікпен қамтамасыз етудің маңызы зор, - дейді Алматы қаласы бойынша ҚАЖД бастығы Е.Ұзақов.
