Алматы облысында полиция азаматтардың өтініштерімен жұмыс жүйелі түрде жалғасып жатыр, – деп хабарлайды Polisia.kz.
Алматы облысы полиция департаментінде кезекті азаматтарды қабылдау өтті. Аталған шараның форматы әлі де ыңғайлы түрде өткізіледі: жеке қабылдау және онлайн – бұл елді мекеніне қарамастан әрбір азаматтың үні естілуі үшін маңызды. Басты мақсат – әр азаматтың тұрғылықты жеріне қарамастан, оның өтінішін есту және назардан тыс қалдырмау.
Азаматтар көтерген мәселелер негізінен қылмыстық істердің тергелу барысына, тергеу бөлімшелерінің жұмысының тиімділігіне, сондай-ақ учаскелік полиция инспекторларының қызметіне қатысты болды. Әрбір өтініш бойынша нақты тапсырмалар беріліп, олардың орындалуы департамент басшылығының жеке бақылауына алынды.
– Ашықтық, адалдық және өтініштерге дер кезінде жауап беру – бұл полиция мен қоғам арасындағы сенімнің негізі. Біз тек мәселені тіркеп қана қоймай, оны шешуге тырысамыз. Әр азамат нақты жауап пен нақты көмек алуы біз үшін маңызды, – деп атап өтті ведомство бастығы Мейрам Әбікеев.
Азаматтарды қабылдау – жай формалдылық емес, қоғаммен өзара іс-қимылдың нақты құралы. Дәл осындай диалог барысында өзекті мәселелер анықталып, жұмыс тәсілдері түзетіліп, полиция қызметінің сапасы артады.
Мұндай қабылдаулар жүйелі түрде өткізіліп, полиция мен халық арасындағы кері байланыстың маңызды бөлігі болып табылады.
