Алматы облысы бойынша Қылмыстық жазалардың орындалу заңдылығын қадағалау жөніндегі мамандандырылған прокуратураның бастамасымен Алматы облысы бойынша ҚАЖД ведомстволық бағынысты мекемелері бастықтарының, әскери прокуратураның және №3660 әскери бөлімі командирінің қатысуымен дөңгелек үстел өткізілді, – деп хабарлайды Polisia.kz.
Шараның мақсаты – тыйым салынған заттарды мекеме аумағына өткізуге жол бермеу жөніндегі шараларды күшейту болып табылады. Сондай-ақ, жиын барысында әскери бөлімнің жұмысы және короновирустық инфекцияның таралуының алдын алуға қатысты бірқатар мәселелер талқыланды.
– Кездесу жемісті өтті, проблемалық мәселелер мен оларды шешу жолдары талқыланды. Сондай-ақ, бас бостандығынан айыру түріндегі жазаны орындауға қатысты сындарлы пікір алмасу жүзеге асырылды, – деп атап өтті прокурордың орынбасары Гамаль Тазабеков.
