Жоғалған шетелдікті Қарасай ауданында полиция қызметкерлері анықтады, – деп хабарлайды Polisia.kz.
«Заңсыз келуші» республикалық жедел-профилактикалық іс-шарасының бірінші күні көші-қон полиция қызметкерлері көрші мемлекетте хабар-ошарсыз кеткен 50 жастағы азаматты ұстап, әкімшілік жауапкершілікке тартты. Қазіргі уақытта оны Өзбекстан Республикасына қайтару туралы мәселе қарастырылуда.
– Іле ауданында көші-қон заңнамасын бұзудың екі фактісі тіркелген. Бұл деректер бойынша ҚР ҚК-нің 394-бабы бойынша қылмыстық іс қозғалды, – дейді облыстық көші-қон қызметі басқармасында.
Осы жылы көші-қон заңнамасын бұзғаны үшін 4 543 адам жауапқа тартылды, оның 3 840 – басқа мемлекеттердің тумалары. 12 қылмыстық іс қозғалып, 196 шетелдік елден шығарылды.
Естеріңізге сала кетейік, көші-қон заңнамасын бұзушылықтарды анықтауға және жолын кесуге бағытталған профилактикалық іс-шара 21 маусымға дейін жалғасады.
