Алматы облысында қылмыс деңгейі 16,5%-ға төмендеді, - деп хабарлайды Polisia.kz.
Алматы облысында қауіпсіздік жағдайының тұрақты жақсаруы байқалуда. Бірінші тоқсанның деректері бойынша тіркелген қылмыстар өткен жылдың сәйкес кезеңімен салыстырғанда 16,5%-ға азайған. Әсіресе ауыр және аса ауыр санаттағы қылмыстар саны 29,6%-ға азаюы байқалады.
– Қылмыс деңгейінің төмендеуі полиция қызметкерлері жүргізген кең ауқымды профилактикалық іс-шаралардың арқасында мүмкін болды. Құқық қорғау органдары қызметінің тиімділігі жүйелі түрде құқық бұзушылықтың алдын алу, учаскелік полиция қызметкерлерінің рөлін күшейту, қылмыстық ахуалды бағалаудың алдыңғы қатарлы цифрлық технологиялары мен аналитикалық әдістерін қолдану, сондай-ақ тұрғындармен белсенді өзара әрекеттесу арқылы жүзеге асады, – деп атап өтті ведомствода.
Жергілікті атқарушы органдармен бірлесіп, бейнебақылау камераларын орнату, азаматтардың көп жиналатын орындарында жарықтандыруды қамтамасыз ету, бұрын сотталған адамдарды бақылау және тұрмыстық зорлық-зомбылықтың алдын алу бойынша бағдарламалар белсенді түрде іске асырылуда. Полиция қызметкерлері азаматтардың сигналдарына жедел әрекет етіп, қоғамдық тәртіпті бақылауды күшейтуде және қайталанатын қылмыстардың, тұрмыстық зорлық-зомбылықтың және кәмелетке толмағандар арасындағы құқық бұзушылықтардың алдын алуға ерекше назар аударуда.
– Полиция мен халық арасындағы сенімді нығайтуға ерекше көңіл бөлінуде. Азаматтарды қабылдау, жергiлiктi кездесулер, түсiндiру рейдтерi тұрақты түрде өткiзiлiп тұрады, - деп толықтырды ведомствода.
Құқықтық тәртіпті нығайту, өңір тұрғындарының қауіпсіздігін қамтамасыз ету және халықтың сенімін арттыру – Алматы облысы полициясының негізгі міндеті болып қала береді.
