Алматы облысында үздік жас жол инспекторлары іріктелді, – деп хабарлайды Polisia.kz.
Алматы облысында жас жол қозғалысы инспекторлары байқауының облыстық кезеңі өтті. Өңірдің түкпір-түкпірінен келген мектеп оқушыларынан құралған жеті команда мықты өзара бақ сынасты.
"Күншуақ" балалар лагерінде қатысушылар жарысқа түсіп қана қоймай, тәжірибе алмасып, жолдағы жауапкершілікке үйренді.
Жарыс бірнеше кезеңнен тұрды: жол қозғалысы ережелері бойынша теориялық емтихан, дене шынықтыру сайысы, мәнерлеп велосипед тебу, жол диспетчері шеберлігін көрсету және шығармашылық сайыс. Жас қатысушылар жоғары дайындық деңгейін, сенімділік пен жеңіске деген құлшынысын көрсетті.
Тартысты бәсекенің қорытындысы бойынша үшінші орынды Қонаев қаласының командасы иеленсе, екінші орын Қарасай ауданының жігіттеріне бұйырды. Ал байқау жеңімпаздары Іле ауданының жас жол инспекторлары деп танылды.
Жеңімпаздар байқаудың республикалық кезеңіне Алматы облысының атынан қатысу құқығын алды.
Мұндай іс-шаралар мектеп оқушыларының құқықтық сауаттылығын арттырып қана қоймай, олардың жолда қауіпсіз жүріс-тұрысының тұрақты дағдыларын қалыптастыруда маңызды рөл атқарады. Бұл жол-көлік оқиғаларының алдын алуға және белсенді өмірлік ұстанымы бар саналы азаматтардың тәрбиесіне қосылған үлес.
Полиция қауіпсіздікке, заңға бағынуға және полиция мен өскелең ұрпақ арасындағы әріптестікті нығайтуға бағытталған балалар мен жасөспірімдердің бастамаларына қолдау көрсетуді жалғастырады.
