Алматы облысында полиция қызметкерлері аудан мектептерінде ЖҚЕ бойынша түсіндіру жұмыстарын жүргізді, – деп хабарлайды Polisia.kz.
Білім күні қарсаңында Ұйғыр АПБ бастығының орынбасары Тұраржан Махамет және аға тергеуші Фархат Ильясов аудан мектептеріне барып, мектепке жаңадан қадам басқан бүлдіршіндері мен ата-аналарына жол жүру ережелері бойынша түсіндірме жұмыстарын жүргізді.
– Білім күні мерекесімен құттықтай отырып, полиция қызметкерлерінің басты міндеттерінің бірі азаматтардың қауіпсіздігін, олардың құқықтарын қорғау болып табылатындығын атап өткім келеді. Сол мақсатта облыс көлемінде Білім күні қарсаңында «Абайлаңыз – балалар!» профилактикалық іс-шарасы жүргізілуде. Балалар қауіпсіздігі – басты назарда. Олардың қауіпсіздігін қорғау мақсатында барлық іс-шаралар қолданамыз, – деді Ұйғыр АПБ бастығының тергеу жөніндегі орынбасары Тұраржан Махамет.
Аталған іс-шара барысында бүлдіршіндерге жол жүру ережелері туралы оқулықтар таратылды.
