Алматы облысының пробация сотталғандары 1 млн грант жеңімпаздары атанды, – деп хабарлайды Polisia.kz.
Алматы облысы мен Жетісу облысы бойынша ҚАЖД қарасты пробация қызметінің үш сотталғандары 1 млн теңге грантқа ие болды.
«Талдықорған өңірлік жұмыспен қамтуға жәрдемдесу қоры» қоғамдық қоры Алматы облысы Іле ауданының пробация қызметімен бірлесіп «Өз бизнесіңді баста» семинар-конкурсын өткізді.
«Бас бостандығынан айыру орындарынан босатылған адамдармен жұмыс жөніндегі қызметті ұйымдастыру» жобасын іске асыру ағымдағы жылдың маусым айынан басталды.
Жоба шеңберінде Іле ауданының, Қонаев қаласының және Еңбекшіқазақ ауданының пробация қызметтерімен бірлесіп, бас бостандығынан айыру орындарынан босатылған және пробация қызметінде есепте тұрған адамдардың әлеуметтенуіне және еңбекке бейімделуіне қажеттіліктерін анықтау үшін топ құрылды.
Байқау қорытындысы бойынша 25 қатысушы арасында үшеуі 1 млн теңгенің грантына ие болды.
– Пробация қызметінде есепте тұрған сотталғандар үшін бұл – мемлекет тарапынан грант алу мүмкіндігі және өз бизнесінде бастама туралы мысал және түсіндіру. Гранттар бизнес – жоспарға сәйкес жабдықтарды сатып алу үшін пайдаланылатын болады, – деп атап өтті ҚАЖД бастығының орынбасары Жәнібек Қосжанов.
Проект «Алматы облысының ішкі саясат басқармасы» ММ қолдауымен жүргізілді және оған Алматы облысының прокуратурасы жетекшілік етті.
