Алматы полицейлері Африка азаматтарын Қазақстаннан шығарды, - деп хабарлайды Polisia.kz.
"Заңсыз" жедел-алдын алу іс-шарасы барысында Алматының көші-қон қызметі Африка құрлығының 3 азаматын мәжбүрлі түрде елден шығарып, Отанына қайтаруды ұйымдастырды.
- Бұл шетелдіктер Қазақстанда болған кезінде халықтың көші-қоны саласындағы заңнаманы бұзған. Атап айтқанда олар заңда белгіленген мерзімде Қазақстан Республикасының аумағынан шықпай, сот шешімімен мемлекетімізден шығару түріндегі әкімшілік жазаға тартылды, - деді Алматы қаласы ПД көші-қон қызметі басқармасы бастығының орынбасары Геннадий Мен.
