Алматы полициясы тергеушілердің отбасылық әулеті туралы айтып берді, – деп хабарлайды Polisia.kz.
ҚР ІІО қызметкерлерінің әйел адамдары полицей тек ер адам бола алады деген пікірді жоққа шығарды. Еліміздің әр аймағында азаматтардың қауіпсіздігі мен заңның үстемдігі үшін қызмет ететін әйелдер бар. Солардың бірі – Түрксіб аудандық ПБ тергеу бөлімі бастығының орынбасары Ақмарал Қалымбетова.
– Біз отбасында төрт баламыз, сіңілім және мен кенжесіміз. Қанша демалысты әкемсіз, анаммен өткізгеніміз есімде. Үйде жиі болмағанының орнын толтырғысы келген әкем бізді өзінің жұмысына алып баратын. Мен болашақта тергеуші болатынымды сол кезде түсіндім. Мектеп бітіргеннен кейін мен әкемнің жолын қуу ниетімен ҚазМУА-ға түстім. Университеттегі оқуымды аяқтағаннан кейін мен ІІО-ның қатарына қосылып, тергеуге баруға шешім қабылдадым. Сол кезде анам бұған қарсы болды, бұл әйел адамның жұмысы емес және жеке өмірге уақыттың жеткіліксіз болатындығына сілтеме жасады. Ал, әкем, керісінше, мені қолдады. Міне, 2008 жылдан бастап осы уақытқа дейін мен тергеу қызметін жалғастырудамын, – деді Қалымбетова.
Айтпақшы, Ақмаралдың анасының қорқынышы ақталған жоқ. 2016 жылы ол күйеуге шықты және қазіргі уақытта күйеуімен бірге бір баланы тәрбиелеп отыр. Жұбайы – Еркебұлан, айтпақшы, майор шенімен әскери қызметші, ол ҚР Аэромобиль әскерлерінде ротаны басқарады.
– Біз осылай үйлесімділік пен келісімде өмір сүреміз. Мен әкеме моральдық қолдау көрсеткені және менің мамандық таңдауыма кедергі болмағаны үшін ризамын. Қазір менің әкем отставкадағы полковник, ҚР ІІМ-нің ардагері, мен оны мақтан тұтамын. Қазір анам қарсы емес, керісінше қуанады, өйткені қалай десе де бәрі ойдағыдай. Ұлым бес жасқа келіп қалды және жаңа жылға ол, полиция формасын алып беруді сұрайды. Жұбайым, ұлым әскери адам болады және әкесінің жолын қуады дейді. Біз өз арамызда айтысамыз. Әрине, ол өскен кезде өзіне жақын нәрсені таңдап, өз кәсібін өзі шешеді, – деп сөзін аяқтады Ақмарал.
