Алматыда 20 жастағы жігіт велосипед ұрлады деген күдікке ілінді, – деп хабарлайды Polisia.kz.
Күн жылып, азаматтар велосипедтерді жертөлелерден шығарып, пайдалана бастады, яғни оларды көпқабатты үйлердің кіреберістеріне қоя бастады. Алайда тәжірибе көрсеткендей, кіреберістер қауіпсіз орын емес.
– Мүліктің сақталуын қамтамасыз ету үшін ұрлыққа қарсы құралдарды қолдану керек. Мұндай бейқамдық оңай ақшаны жақсы көретіндер үшін пайдалы. Олардың бірі аз уақыт ішінде, болжам бойынша екі адамның екі дөңгелекті көлігін ұрлап кеткен. Ұрлықтың бірі кіре беріске орнатылған бейнекамераның объективіне түсіп қалған. Сол күні қаскөй кейбір мәліметтер бойынша, тұрғын үйдің бірінің аумағында тұрақтандырғышты ұрлап кеткен, – дейді Жетісу аудандық полиция басқармасының бастығы Жәнібек Шынасылов.
Оның айтуынша, күдікті қамауға алынды. Ол небәрі 20 жаста. Қазіргі уақытта оның осыған ұқсас ашылмаған қылмыстарға қатысы бар-жоғын анықтау жұмыстары жүргізіліп жатыр. ҚР ҚК-нің 188-бабына сәйкес тіркелген бірнеше эпизодтар бір өндіріске біріктірілді. Қылмыстық істің басқа да мән-жайлары ҚР ҚПК-нің 201-бабы және ҚР Конституциясының нормаларына сәйкес жария етуге жатпайды.
