Алматыда әмбебап алаяқ ұсталды, – деп хабарлайды Polisia.kz.
Бұрын алаяқтық үшін сотталған 34 жастағы Ш.есімді азамат достарына тауарларды кедендік рәсімдеуге, кедендік рәсімдерді жеңілдетуге шетелден көлік сатып алуға көмектесуге уәде берді. Белгілі болғандай, қаскөй өзіне алған міндеттемелерін орындағысы келмеген және ол өзінің “қызмет алушыларынан” бұрын алған ақшаны жеке қажеттіліктеріне жұмсаған.
– Ауызша айту әдісін қолдана отырып, ол таныстарына шығып, олардың қызметі туралы білді, содан кейін ол өзін белгілі бір мәселелерде көмектесе алатын байсалды адам ретінде көрсетті. Оның басты уәдесі – Еуропадан қол жетімді бағамен көлік әкелу. Әрине, ішкі нарықта пайдаланылған автокөлікті емес, Еуропадан айдалған көліктерді алғысы келетіндер көп болды. Ол әртүрлі сайттардан жүктелген фотосуреттерді көрсетті, сол арқылы сатып алушылардың қызығушылығын арттырды. ЕАЭО мен КО-дан тыс елдерден ескі автокөліктерді әкелуге мораторий жарияланғанымен, қаскөй барлық әкімшілік және бюрократиялық кедергілерді “шешуге” уәде берді. Шекара арқылы тасымалдау және өткізу деген сылтаумен күдікті Ш.есімді азамат, өзінің сенгіш “клиенттерінен” 700 мыңнан бір жарым миллион теңгеге дейін алдын-ала төлем алды. Бір жағдайда ол шетелден келген тұтынушылық тауарлары бар контейнерді акциздердің төмен мөлшерімен кеденнен өткізіп беруге уәде берді. Оның бәрін жүзеге асыруға ниеті болған жоқ, алған ақшасын өзіне жұмсады, – деді Әуезов аудандық ПБ-ның бастығы Ұлан Әбілхайыр.
Қазіргі уақытта ұсталған адам Алматы қалалық ПД уақытша ұстау изоляторына орналастырылды. Оған қатысты ҚР ҚК-нің 190-бабы (Алаяқтық) бойынша сотқа дейінгі тергеу амалдары жүргізілуде. Осы адамның қылмыстық әрекеттерінен зардап шеккен азаматтар полицияға келесі нөмірлер арқылы хабарласа алады: 8-775-202-77-88 және 298-53-05.
Алматы қалалық полиция Департаменті Баспасөз қызметі
