Алматыда полиция туралы деректі фильмнің тұсауы кесілді, – деп хабарлайды Polisia.kz.
Алматыда қалалық полицияның 33 жылдық тарихына арналған деректі фильмнің тұсаукесері өтті. Сегіз минуттық шежіре Тәуелсіздік жылдарындағы ішкі істер органдарының құрылуынан бастап – 1992 жылдан бүгінгі күнге дейінгі жолды қамтиды.
Көрермен назарына шаһар полициясының кәсіби сабақтастығы, материалдық-техникалық базасын жаңғырту және дамыту туралы ұстамды, бірақ терең оқиға ұсынылады. Жүйенің қалай өзгергеніне ерекше назар аударылды: қағаз хаттамалардан смарт ақпараттық жүйелерге, терілген есептерден цифрлық патрульдік планшеттерге дейін.
- Бұл фильм – форманы абыроймен киген және киіп жүрген барлық жандарға арналған құрметпен түсірілген, - деді, Алматы қалалық полиция департаментінің бастығы Арыстанғани Заппаров.
Фильм Қазақстан полициясы күніне арналған және Алматы қалалық полиция департаментінің ақпараттық-имидждік науқанының орталық бөлігіне айналды. Ол жеке құрамға, қызмет ардагерлеріне, қоғамдық кеңестер мен жастар бірлестіктеріне көрсетіледі.
Фильмді көру үшін сілтемеге өтіңіз.
