Алматыда полицияның үздік шахматшысы анықталды, – деп хабарлайды Polisia.kz.
ПД-ның арнайы және жұмылдыру дайындығы басқармасының хабарлауынша, Алматыда шахматтан Қазақстан Республикасы Ішкі істер министрінің кубогы үшін іріктеу кезеңі өтті.
Жарысқа ПД қызметтері мен бөлімшелерінің 28 қызметкері қатысты.
– Бұл жеке құрамның спорттық дайындығы тұрғысынан салыстырмалы түрде жаңа бағыт. Ойындардың нәтижесі көрсеткендей, әріптестеріміздің арасында жартылай кәсіби шеберлігі бар шахматшылар да бар. Жаңа чемпиондарды даярлау үшін осы спорт түрін өз қатарымызда дамытуды жалғастырамыз, – деді Алматы қалалық ПД арнайы және жұмылдыру дайындығы басқармасының бастығы Ерлан Әбсадық.
Әділқазылар алқасының шешімі бойынша бірінші орынды Бостандық аудандық ПБ-ның учаскелік полиция инспекторы Азамат Алмасұлы иеленсе, екінші орын ПД Ансамблінің қызметкері Ялкун Азизовке бұйырды, ал үшінші жүлделі орынға ЖҚАЖ инспекторы Қанат Жамаш ие болды.
