Алматыда ҚР ІІМ зейнеткері өз тәжірибесімен бөлісті, — деп хабарлайды Polisia.kz.
ҚР ІІМ зейнеткері, отставкадағы полиция подполковнигі Жұмаділа Қабылбаев, қазіргі жағдайдағы тәлімгерлік институтының рөлі және оның жұмысы полицияның алдына қойылған міндеттерді жүзеге асыруда қалай көрінетіні туралы пікірімен бөлісті.
— Ардагерлеріміз дәстүрлер мен кәсіби тәжірибелердің үлкен әлеуетін жинақтады, бұл ІІО-ның кадрлық әлеуетін нығайтуда зор маңызға ие. Қазіргі жағдайда тәртіп сақшыларының алдында үлкен міндеттер тұр, ең бастысы – қоғамның үмітін ақтау. Тәлімгерлердің жұмысы тәжірибелік көмекпен ғана емес, психологиялық және моральдық дайындықпен де байланысты, – деді Жұмаділа Қабылбаев.
Жұмаділа Қабылбаев кәсіби қызметін 2007 жылы Алматы қаласы Түрксіб аудандық полиция басқармасында анықтаушы болып бастады. Лауазымдық шенінен жоғарылаған жас лейтенантқа полиция жұмысының ерекшелігіне үйрену қиынға соқты.
Ұсталған қылмыскерлердің күрделі қылмыстарын ашумен айналысты. Қиын жағдайларда аға офицерлер көмектесті – үйретті, көрсетті, нұсқау берді. Бұл таптырмас тірек және шынайы бағдар болды. Алдыңғы буынның тәжірибесі жас қызметкерлермен дәнекер.
— Өз кәсіби тәжірибемді үйреткен кешегі жас жігіттердің өсіп-өркендеуін аса мақтанышпен бақылап отырамын. Олар қазір ІІМ жүйесінде басшылық қызметтерді атқаруда және бұл қуантады. Бір кездері маған үйреткендей, мен қазір жастарға материал жинауға, оқиға орнында өзін қалай ұстау керектігін, нені рәсімдеу, қандай жинақтарды жүргізу, нені тәркілеу және т.б. көмектесуге тырысамын. Яғни, қадамдық нұсқаулық бар. Өйткені, тергеуші мен анықтаушының жұмысы қылмыстық істерді тергеу барысында дәлелдемелерді жинаудан тұрады, – деді Жұмаділа Қабылбаев.
Зейнеткерлікке шыққаннан кейін отставкадағы подполковник ІІО қызметке түсетіндер үшін қандай қасиеттер маңызды екенін атап өтті.
— Нақты анықтама болуы маңызды: бұл мамандықты не үшін және қандай мақсатпен таңдайсыз. Тұлғаның дамуы саналы түрде мамандық таңдауына байланысты, ал жұмысқа қанағаттану ішкі үйлесімділікпен де байланысты. Жауапкершілік пен пайдалылық сезімі адамның әлеуетін ашуға көмектеседі. Осы мамандықты таңдаған жас офицер қиындықтар мен ықтимал тәуекелдерге дайын болуы керек, – деді зейнеткер Қабылбаев.
