Алматыда “Солдат туралы хикая” кітабының тұсаукесері өтті, — деп хабарлайды Polisia.kz.
Алматы қалалық полиция департаментінде “Солдат туралы хикая” кітабының салтанатты тұсаукесері өтті. Ол Ұлы Отан соғысына қатысушы, отставкадағы полковник Зейнолла Сүлейменұлы Байжасаровтың ерлік тағдырына арналған.
Мұрағат құжаттары, майдандық естеліктер, марапаттау парақтары мен отбасы шежіресі негізінде жазылған кітапта сержант-радисттен аты аңызға айналған гвардиялық танк бригадасының байланыс бастығына дейін өткен солдаттың жауынгерлік жолы жан-жақты ашылған. Жеті майданда шайқасты, Ұлы Отан соғысының шешуші шайқастарына қатысты: Мәскеуден Берлинге дейін.
Шара Ұлы Жеңістің 80 жылдығы қарсаңындағы айтулы оқиғаға айналды және оған Қазақстан Республикасы ішкі істер министрлігі, Генералдар кеңесі, тәлімгерлік кеңес өкілдері, ІІО ардагерлері, Зейнолла Байжасаровтың туған-туыстары мен жақындары, сондай-ақ ПД қызметтері мен бөлімшелерінің жеке құрамы қатысты.
Тұсаукесер аясында өскелең ұрпақты отансүйгіштікке тәрбиелеу тақырыбына ерекше назар аударылды. Жиналғандар Зейнолла Байжасаровтың ерлігін мысалға ала отырып, тарихи жадыны сақтау, бабалар ерлігін қастерлеу және ұрпақтар сабақтастығын сақтаудың маңыздылығын атап өтті. Мұндай кездесулер рухани-адамгершілік құндылықтардың нығаюына ықпал етіп, ел мен халық алдындағы жауапкершілік сезімін қалыптастырады.
“Солдат туралы хикая” кітабының тұсаукесері батырдың рухына тағзым ету ғана емес, әскери-тарихи мұраны сақтауға, қоғам бірлігін нығайтуға, азаматтық тұлғаны дамытуға қосылған маңызды үлес.
Алматы қалалық полиция департаменті, ардагердің отбасына естелікті ұқыптылықпен сақтағаны үшін алғысын білдіреді, сондай-ақ іс-шараның барлық қатысушыларына ерліктің, Отанға адалдықтың жанды үлгісі болып қалатын ерлікке ілтипат білдіргендері үшін алғыс білдіреді.
