Алматыда ұрлық саны азайды, – деп хабарлайды Polisia.kz
Алматы полициясының қызметі – Мемлекет басшысы Қасым-Жомарт Тоқаев берген тапсырмаларды орындауға, сондай-ақ барлық саладағы қызметті жақсартуға бағытталған. Жалпы, қаладағы қылмыстық ахуал тұрақты және бақылауда.
Қылмысты ашу бойынша жұмыстың тиімділігі артты. Қалалық ПД деректері бойынша осы жылдың алты айында қалта ұрлығы 3,8 есеге, пәтер ұрлығы 44%-ға, сондай-ақ көлік салонынан бөтеннің мүлкін ұрлау 47%-ға азайған. Сонымен қатар, жыл басынан бері кәмелетке толмағандар арасындағы қылмыс (-14,5%), отбасы-тұрмыстық қатынастар саласындағы қылмыстық құқық бұзушылықтар (-14,3%), бұрын сотталғандардың заңсыз әрекеттері де (-47,8%) төмендеген.
