Алматыда жүк көлігінен аккумулятор ұрлағандар ұсталды, – деп хабарлайды Polisia.kz.
1993 жылы туған екі құрдас қылмыстық жолмен ақша табуға бел буып, түнде жүк көлігінен аккумуляторларды алып жүрген. Күдіктілердің екеуі де ұсталып, Алматы қалалық ПД УҰИ-на орналастырылды.
– Күдіктілердің бірі бұрын бөтеннің мүлкін ұрлағаны үшін жауапқа тартылғанын айта кеткен жөн. Серіктестер бірге жұмыс істеді, олар түннің бір уақытына дейін күтіп, «іске» кіріскен. Олардың іздеу нысандары жүк көліктері болды, одан аккумуляторларды әрі қарай сату мақсатында оңай ұрлады. Мұндай қолданылған аккумуляторлардың құны «қара нарықта» бес мың теңгеден аспайды. Бұл тиімді емес, бірақ оңай, деп ойлады қаскөйлер: жүк көлігінен аккумуляторды шешіп алу оңай – оныкы сыртта орналасқан. Олар түнде шешіп алып, оны жақын жерге тығып қойды да, келесі күні ұрланған аккумуляторды жасыру үшін қорапқа салды. Менің ойымша, айыпталушылар «ойын шамға тұрарлық емес» екенін түсінді, өйткені қазір олар бес жылға дейін бас бостандығынан айырылуы мүмкін. Ұрыларға қатысты ҚР ҚК-нің 188-бабы 2-бөлігі бойынша сотқа дейінгі тергеу амалдары жүргізілуде. Қазіргі уақытта олардың үш эпизодқа қатыстылығы дәлелденді. Тергеу әрекеттері жүргізіліп жатыр, – деді Алмалы аудандық Полиция басқармасының бастығы Есен Ысқақов.
