Алматы және Жетісу облыстары бойынша Қылмыстық-атқару жүйесі департаментінің №14 қауіпсіздігі орташа мекемесінде тыйым салынған заттарды заңсыз өткізу әрекеті анықталды, - деп хабарлайды Polisia.kz.
Қырағылық танытқан мекеме қызметкерлері шұжықтың ішіне жасырылған ұялы телефонды тапты. Бұл бандерольді анасы ұлына арнайы жібермек болған. Тексеру барысында "Samsung" ұялы телефонын, Beeline сим-картасы және зарядтағыш құрал тәркіленді.
Аталған дерек бойынша ҚР Әкімшілік құқық бұзушылық туралы кодексінің 481-бабы негізінде іс қозғалып, кінәлі тұлғаға қатысты материалдар сотқа жіберілді.
Мекеме өкілдері заңсыз әрекеттердің алдын алу үшін осындай қырағылықты жалғастыра беретінін айтты.
