Ақмола полицейлері терроризм актісі туралы көрінеу жалған хабарлағаны үшін қылмыстық жауапкершілік туралы еске салады, – деп хабарлайды Polisia.kz.
Еске сала кетейік, 7 сәуірде сағат 20:00 шамасында Алматы облысы Есік қаласының тұрғыны Көкшетау қаласындағы сауда үйінің жанында ұялы телефоннан «112» арнайы желісіне сауда үйінің миналанғаны туралы хабарлаған болатын. Осыдан кейін ер адам қылмыс орнынан қашып кетті. Сауда үйінен сатушылар мен келушілер эвакуацияланды, аумақ қоршалды. Оқиға орнына полиция қызметкерлері, қызметтік иттері бар кинологтар дереу шығып, ғимаратты тексерді. Хабарлама жалған болып шықты.
Тағы бір оқиға ағымдағы жылдың 10 мамырында Степногорск қаласында жергілікті тұрғын мас күйінде ұялы телефоннан қоңырау шалып, қаланың автобус аялдамаларының бірінде жарылғыш зат салынғаны туралы хабарлаған кезде орын алды.
Терроризм актісі туралы көрінеу жалған хабарлау нәтижесінде қоғамдық қауіпсіздік бұзылды.
Оқиға орнына жедел-тергеу тобы шықты. Сондай-ақ аталған факті бойынша азаматтарға төтенше жағдайларда көмек көрсетуге, ықтимал салдардың алдын алуға бағытталған тиісті қызметтер іске қосылды, бұл кейіннен осы ұйымдардың негізсіз материалдық шығындарына әкелді.
Айта кету керек, ер адамдар ҚР ҚК 273-бабы (Терроризм актісі туралы көрінеу жалған хабарлау) бойынша жауапқа тартылған. Алматы облысының Есік қаласының тұрғыны екі жыл алты айға бас бостандығын шектеу, Степногорск қаласының тұрғыны екі жылға бас бостандығынан айыру жазасына кесілді.
Облыс тұрғындарының назарына» телефондық» терроризмге стационарлық және ұялы телефондардан, сондай-ақ факсимильді аппараттар мен Интернет желісін пайдалану арқылы жасалатын қылмыстар жатады. Мұндай сын-қатерлердің мақсаты қарапайым бұзақылық, атақты болуды қалау, маңызды объектінің немесе оқиғаның жұмысын бұзу, белгілі бір адамды бопсалау немесе арнайы қызметтерге жалған қоңырау шалу болуы мүмкін. Қазақстан Республикасында ҚР ҚК-нің 273-бабы (Терроризм актісі туралы көрінеу жалған хабарлау) қолданылады.
Баптың диспозициясы дайындалып жатқан жарылыс, өртену немесе адамдардың қаза табу, елеулі мүліктік залал келтіру не қоғамға қауіпті өзге де зардаптардың туындау қаупін туғызатын өзге де әрекеттер туралы көрінеу жалған хабарлау: алты жылға дейінгі мерзімге бас бостандығынан айыруға жазаланатынын көрсетеді.
ҚР ҚК 15-бабының 2-бөлігіне сәйкес ҚР ҚК 273-бабында көзделген қылмысты жасағаны үшін қылмыстық жауаптылық он төрт жастан басталады.
Бұдан басқа, ҚР ӘҚБтК-нің 438-бабына сәйкес мемлекеттік өртке қарсы қызмет, полиция, жедел медициналық көмек органдарын, авариялық қызметтерді көрінеу жалған шақыру 30-дан 60 айлық есептік көрсеткішке дейінгі мөлшерде әкімшілік айыппұл салуға әкеп соғады. Кәмелетке толмағандарды күтіп-бағу және тәрбиелеу жөніндегі міндеттерін орындамағаны үшін кәмелетке толмаған құқық бұзушылардың (он төрттен он алты жасқа дейінгі) кәмелетке толмаған балаларының ата-аналары да әкімшілік жауапкершілікке тартылуы (ата-аналарына немесе оларды алмастыратын адамдарға он бес айлық есептік көрсеткіш мөлшерінде ескерту жасауға немесе айыппұл салуға әкеп соғады), ал жасөспірімдер кәмелетке толмағандардың істері жөніндегі бөлімшелерге есепке қойылуы мүмкін.
