Ақмола облысында полицейлер трассада қиын жағдайға тап болған жолаушыларға көмек берді, – деп хабарлайды Polisia.kz.
Демалыс күндері Ақмола облысы ПД патрульдік полиция батальонының қызметкерлері батальон командирі Ерлан Дарбаевтың басшылығымен өңірдің автожолдарына жоспарлы тексеріс жүргізілді.
Щучинск-Астана автожолының 222-шақырымында полицейлердің назарын жол жиегінде тұрған Audi автокөлігі аударды. Белгілі болғандай, көлік құралының дөңгелегі жарылған. Жүргізуші 13 жасар қызын оқуға апару үшін Астанаға бет алған. Бірақ көліктің бұзылуына байланысты жолда шамамен 30 минут тұруға мәжбүр болды.
Полиция аға лейтенанттары Тэнгиз Уразин мен Жандос Қапаров дереу көмекке келді. Полиция қызметкерлері дөңгелекті ауыстыруға кірісті, бірақ қосалқы доңғалақ бекіту тесіктеріне сәйкес келмеді.
Отбасын қиын жол жағдайына қалдырмау үшін патрульшілер жүргізуші мен оның қызын Щучинск қаласының жақын маңдағы дөңгелек жөндеу стансиясына жеткізу туралы шешім қабылдады. Қауіпсіздік мақсатында олар қызметтік автокөлікке орналастырылды. Негізгі дөңгелекті жөндегеннен кейін полиция оны қайта орнатуға көмектесті, содан кейін жолаушыларын сапарын жалғастырды.
Жүргізуші оқиға орнына келген полиция қызметкерлеріне, сондай-ақ "Қазавтожол" қызметкерлеріне шын жүректен алғысын білдіріп, жолдағы мұндай көмек жүргізушілер үшін шынымен баға жетпес екенін атап өтті.
Полицейлердің өздері мұндай алғыс сөздер олардың не үшін қызмет ететінін еске түсіріп, одан әрі ынталандыратынын атап өтті.
– Біздің басты мақсатымыз - жолдардағы қауіпсіздік. Көмек пен қолдау маңызды, өйткені бұл жол қозғалысына қатысушылардың өмірі мен денсаулығына тікелей әсер етеді, – деп атап өтті патрульдік полиция қызметкерлері.
