Ақмола облысында полиция тұрғынның жеке мүлкін ұрлаған күдіктіні қолға түсірді, – деп хабарлайды Polisia.kz.
9 маусымда жергілікті тұрғын Бурабай ауданының полиция бөліміне хабарласып, супермаркеттердің бірінде сауда жасап жүргенде, сақтау камерасынан оның пакеті, ақшалай қаражаты, Samsung телефоны мен косметикасы жоғалып кеткенін айтты. Залал сомасы 200 мың теңгені құрады.
Полицейлер камера жазбаларын зерттеп, жәбірленушінің сақтау камерасын толығымен жаппағанын анықтады, оны белгісіз әйел пайдаланды.
Күдіктінің жеке басы анықталды және оны іздеу жедел түрде ұйымдастырылды. Ұрлаушы жергілікті тұрғын болып шықты. Әйел ұрлық жасағанын мойындап, супермаркеттен шыққан кезде телефонды лақтырып жібергенін айтты. Қазіргі уақытта ұрланған заттар иесіне қайтарылды.
Осы факті бойынша полиция бөлімімен ҚР ҚК-нің 188-бабының 3-бөлігі (Ұрлық) бойынша қылмыстық іс тергелуде.
