Ақмола облысында сотталғандарға арналған екі жаңа тұрғын үй кешенінің құрылысы аяқталды, – деп хабарлайды Polisia.kz.
Ақмола облысында сотталғандардың жағдайын жақсарту мақсатында қылмыстық-атқару жүйесінің инфрақұрылымын жаңғыртуға бағытталған маңызды жоба жүзеге асырылды. ҚР Ішкі істер министрлігі қылмыстық-атқару жүйесін дамыту жөніндегі Жол картасы аясында халықаралық стандарттарға сай жаңа мекемелердің құрылысын жүргізуді жоспарлаған болатын.
Бұл жоба сотталғандарды бұрынғы жасақтық жүйеден камералық ұстауға кезең-кезеңімен көшіруді көздейтін мемлекеттік бағдарламаның бір бөлігі ретінде жүзеге асырылды. Аталған шаралар 2022-2024 жылдар аралығында бірқатар облыстардағы қылмыстық-атқару жүйесі мекемелерінде жаңа тұрғын кешендерін салуды қамтыды.
Бүгінгі таңда Ақмола облысы бойынша ҚАЖ департаментіне қарасты №7 мекеменің аумағында әрқайсысы 280 адамға арналған екі бірдей тұрғын үй кешенінің құрылысы толық аяқталды. Бұл кешендер сотталғандарға халықаралық талаптарға сәйкес жағдай жасауды қамтамасыз етпек.
Нысандардың ашылуына мемлекеттік органдар мен облыстық құқық қорғау органдарының өкілдері арнайы келіп, жаңа мекемелердің жұмысымен танысты. Бұл жобаның жүзеге асырылуы еліміздің қылмыстық-атқару жүйесін жаңғырту жолындағы маңызды қадам болып табылады.
