Ақмола облысының тұрғыны полиция қызметкерлеріне алғыс айтты, – деп хабарлайды Polisia.kz.
Тәртіп сақшылары бір күн ішінде алаяқтар қолды қылған ақшаны заңды иесіне қайтарып берді.
- Полиция қызметкерлеріне, атап айтқанда жедел уәкіл Ғ.Мархабат пен тергеуші А.Баубековаға алғысымды білдіргім келеді. Ақшамды қайтаруға көмектескендері үшін олар грамотамен марапатталғанын қалаймын, - деп жазды тұрғын.
Мұндай хат Ақмола облысы ПД-ның Instagram-дағы парақшасына түсті.
Анықталғандай, осы жылдың 4 желтоқсанында Атбасар ауданы полиция бөлімінің қызметкерлеріне әйел көмек сұрап жүгінді. Алаяқтар одан 100 мың теңге алған. Іс дереу Ғалымжан Мархабатқа және Адель Баубековаға тапсырылды, олар істі ашу бойынша жедел іс-қимылдарды шұғыл бастады.
Белгілі болғандай, жәбірленушіге WhatsApp-та оның қайын сіңлісі жазып, қарызға 250 мың теңге сұраған. Әйелде мұндай ақша болған жоқ, ол тек 100 мың теңге ұсынды. Туысы келісіп, шот нөмірін жіберді. Ақша аударғаннан кейін жәбірленуші алаяқтардың құрбаны болғанын түсінді. Белгілі болғандай, қайын сіңлісінің нөмірін бөтен біреу бұзып алған, ал ол ақшаны мүлдем бейтаныс адамдарға аударды.
Ол бірден полициядан көмек сұрады, ал бір күннен кейін тәртіп сақшылары оған ақшаны толық көлемде қайтаруға көмектесті. Полиция қызметкерлерінің айтуынша, адамдарға көмектесу олардың міндеті. Тәртіп сақшылары азаматтарды барлық жағдайда сақ болуға шақырады.
