Ақмола облысының тұрғыны "Заң мен тәртіп" цифрлық сервисі арқылы полицейлерге алғыс айтты, – деп хабарлайды Polisia.kz.
Астрахан ауданының тұрғыны Николай Лионов "Заң мен тәртіп" цифрлық сервисінің көмегімен аудандық полиция бөлімінің қызметкерлеріне алғысын білдірді. Пайдаланушы оның отбасы үшін қиын сәттегі Еркебұлан Турмагамбетов пен Тимур Ертаевтың жедел жұмысы мен мұқият қарым-қатынасын атап өтті.
Ауыл тұрғынының айтуынша, полиция қызметкерлері тұрғынның үйден шығып кетіп, оралмаған ерекше баласын іздеу туралы өтінішіне уақтылы жауап берді. Учаскелік инспектор Еркебұлан Турмагамбетовтың айтуынша, 12 жасар баланың жоғалып кеткені туралы ақпарат оған кешкі уақытта келіп түскен.
Аутизммен сырқаттанған бала ересектердің қарауынсыз қалған. Ұлының жоғалып кеткенін көрген ата-анасы өздігінен іздей бастап, содан кейін учаскелік инспектордың көмегіне жүгінді. Хабарламаны алғаннан кейін Еркебұлан Тұрмағамбетов пен кіші жедел уәкіл Тимур Ертаев бірден іздеу іс-шараларын жүргізуге кірісті.
Сонымен қатар аға инспектор - кезекші Амирхан Каримов елді мекенде орнатылған бейнебақылау камераларына мониторинг жүргізді. Құқық қорғау органдарының үйлесімді әрекеттерінің арқасында бала ауылдың шетінен табылды.
Қорқып кеткен баланы полиция ата-анасына тапсырды. Өз кезегінде баланың әкесі Kaspi қосымшасындағы "Заң мен тәртіп" цифрлық сервисін пайдаланып, көмектескен полиция қызметкерлеріне алғыс айтты.
"Заң мен тәртіп" сервисі азаматтарға шағымдар мен өтініштерді қалдырып қана қоймай, полицияның жұмысы туралы оң пікірлерімен бөлісуге мүмкіндік береді. Мұндай хабарламалар құқық қорғау органдарына деген сенімді арттыруға көмектеседі және қызметкерлерді қызметтік міндеттерін адал атқаруды жалғастыруға ынталандырады.
