Ақмола полицейлері еңбекті қорғау ережелерін бұзу фактісі бойынша сотқа дейінгі тергеу жүргізуде, – деп хабарлайды Polisia.kz.
Ағымдағы жылдың 13 сәуірінде Бурабай АПБ кезекші бөліміне учаскелік полиция инспекторынан аудандық ауруханаға онша ауыр емес дәрежедегі түрлі жарақаттармен 18-47 жас аралығындағы бес жергілікті тұрғын жүгінгені туралы телефон хабарламасы келіп түсті.
Жедел-тергеу тобы зардап шеккендердің барлығы Бурабай кентіндегі құрылыс объектісінде қаптау жұмыстарын жүргізу кезінде жарақат алғанын анықтады.
Зардап шеккендер өз бетінше құрылыс ағаштарын монтаждауды жүргізген (құрылыс, монтаждау жұмыстарын орындау кезінде жұмысшылар мен материалдарды орналастыру үшін уақытша қосалқы құрылыс). Тірек элементтері жеткілікті берік бекітілмеген, нәтижесінде жұмысшылар екінші қабат деңгейінен құлаған.
Аталған факті бойынша ҚР ҚК 156-бабының 1-бөлігі (Еңбекті қорғау ережелерін бұзу) бойынша сотқа дейінгі іс қозғалды.
Қазіргі уақытта мемлекеттік еңбек инспекторының қорытындысы жүргізіліп, сот-медициналық сараптама тағайындалды.
