Ақмола полицейлері жұмыстан шығып, хабарсыз кеткен ер адамды іздестіруде, – деп хабарлайды Polisia.kz.
2021 жылғы 15 ақпанда Көкшетау қаласының ПБ кезекші бөліміне 39 жастағы жергілікті тұрғыннан 1983 жылғы 1 желтоқсанда туған Қайрат Яковлевич Жолдугуловты іздеуге көмек көрсету туралы өтініш келіп түсті, ол 2021 жылғы 13 ақпанда Ақмола облысы Малиновка ауылындағы жұмыс орнынан шығып, осы уақытқа дейін Көкшетау қаласына оралмаған.
Белгілері: бойы 165 см, дене бітімі мығым, шашы қысқа, қара, көзі қоңыр, сол жақ бетінде ай түрінде тыртық бар. Сұр түсті «Күзет» формасын (бушлат, қара етік) киген, өзімен бірге жеке заттары салынған қытайлық сөмке және Қайрат Жолдугуловтың атына берілген жеке куәлігі салынған қоңыр әмиян, корпусы сарғыш түсті «Самсунг» маркалы ұялы телефоны болуы мүмкін.
Жоғалған адамның Ақмола облысының Малиновка ауылында жұмыс 15 жұмыс күні және 15 демалыс күніне бөлінген вахталық әдіспен жұмыс істейтіні анықталды. Соңғы рет жәбірленуші көбірек ақша тапқысы келіп, ұзақ уақытқа кетіп, үйіне 2021 жылғы 15 наурызда оралу туралы шешім қабылдаған.
2021 жылғы 13 ақпанда шамамен сағат 8:30-да ол ауысымға бара жатқанын айтқан, кейін телефон өшірілген. Әріптестері оның жұмыс орнынан кетіп қалғанын хабарлады.
Ер адамның қайда екенін анықтау мақсатында тәртіп сақшылары жедел-іздестіру іс-шараларын жүргізді, оның барысында барлық таныс және жақын адамдардан жауап алынды. Нәтижесінде іздестірудегі адамның қазіргі уақытта Нұр-Сұлтан қаласында екені белгілі болды.
Полиция қызметкерлері Қайрат Яковлевич Жолдугулов туралы қандай-да бір ақпарат білетін барлық адамдардан «102» арнайы желісіне немесе 29-96-00 телефон нөміріне қоңырау шалуды сұрайды.
