Ақмолада көршілердің отырысы пышақ жарақатымен аяқталды, – деп хабарлайды Polisia.kz.
27 наурызда Атбасар ауданы жергілікті полиция бөліміне Бастау ауылының 47 жастағы тұрғыны жедел жәрдем көлігімен қабылдау бекетіне жеткізілгені туралы телефон хабарламасы келіп түсті. Ауыл тұрғыны іш қуысына ауыр пышақ жарақатын алғаны белгілі болды.
Зардап шегушіні ауруханаға жатқызғаннан кейін бірден учаскелік полиция инспекторы оқиғаны тергеуді бастады. Полиция қызметкері оның бірнеше сағат бұрын зардап шеккенін және оның 55 жастағы көршісімен бірге алкоголь ішкенін анықтады. Отырыс барысында ер адамдар арасында ұзақ уақыт бойы ақшалай қарызға байланысты жанжал туындаған.
Содан дауды сөзбен шешпей, үй иесі ас үй пышағымен қарсыласына жарақат салған. Кейін жарақат алған ер адам үйіне өз бетінше келген, оны көрген әйелі бірден жедел жәрдем шақырған.
Болған оқиғаның барлық мән-жайы анықталғаннан және күдікті кінәсін мойындағаннан кейін учаскелік инспектор ауыл тұрғынын полиция бөліміне жеткізді.
Қазіргі уақытта аталған факті бойынша ҚР ҚК-нің 106-бабы 1-бөлігі (Денсаулыққа қасақана ауыр зиян келтiру) бойынша сотқа дейінгі тергеу жүргізілуде, қылмыс құралы заттай дәлел ретінде алынды. Айыпталушы ұсталып, уақытша ұстау изоляторына қамалды.
