Ақмолалық полицейлердің балалары ПД-ға экскурсия жасады, – деп хабарлайды Polisia.kz.
Ата-аналары полиция департаментінің түрлі бөлімшелерінде қызмет ететін 100-ден астам бала көпқырлы және күрделі полиция қызметі туралы көбірек білуге бірегей мүмкіндік алды. Ұйымдастырушылардың бастамасы Полиция департаментінің басшысы Думан Таевтан оң қолдау тапты және балалардың басты мерекесі қарсаңында ақмолалық полицейлердің балалары үшін нағыз тосынсый болды.
Таныстыру экскурсиясы ведомстволық мұражайға барудан басталды. Дәл осы жерде милицияның, содан кейін Ақмола өңірі полициясының ғасырлық тарихы жинақталып, ұқыпты сақталуда. Мұражай жетекшісі Гүлзада Кенжеғалиева балаларды бес залдың әрқайсысының құнды экспонаттарымен таныстырды, құқық қорғау органының қалыптасуы мен дамуына үлкен үлес қосқан ішкі істер органдарының құрметті ардагерлері туралы айтып берді.
Балалар өз кезегінде өте жас болғанына қарамастан, белсенді сұрақтар қойып, ежелгі техниканы, қаруды, фотосуреттер мен құжаттарды қызығушылықпен қарады. Жедел басқару орталығында жас қонақтар үшін техникалық мүмкіндіктері бар заманауи әлем ашылды. Полицейлердің мониторларында нақты уақыт режимінде екі мыңға жуық бейнебақылау камераларының деректері көрсетіледі, бұл қоғамдық тәртіпті бұзуға және жолдағы қауіпсіз жүріс-тұрыс ережелерін сақтамауға жедел ден қоюға мүмкіндік береді.
Балалардың көптеген өтініші бойынша ЖБО инспекторы Талғат Есеналин бейнекамераларды тіркейтін жиі бұзушылықтарды көрсетті, сондай-ақ өзін және құрдастарын үнемі бақылап, бұзақылық жасамау және үлкендерге бағыну қажеттігі туралы ескертті.
Ең көптен күткен және жағымды эмоцияларға бай кинологиялық қызмет орталығына сапар болды. Жас қонақтардың әрқайсысы қарапайым командаларды орындап қана қоймай, полиция қызметкерлерімен бірге қылмыскерлерді ұстап, есірткі мен жарылғыш заттарды тауып, көшелерде заңдылықты сақтай алатын қызметтік иттерді көргісі келді. Тәртіп сақшылары балаларға ойын-сауық және танымдық бағдарлама дайындады, қызметтік иттерді үйретудің ерекшеліктері, төрт аяқты полицейлердің күнделікті жаттығулары мен тамақтану режимі туралы айтып берді, сондай-ақ көптеген сұраққа жауап берді.
Сонымен қатар, жас көрермендер үшін кинологтар мен олардың төрт аяқты әріптестері кәсіби шеберліктерін көрсетті. Артес лақап атты бельгиялық овчарка иті тәртіп сақшылары жаттығу сөмкелерінің біріне жасырған есірткінің бетбелгісін дәл тапты, ал Муха қызметтік иті бірнеше секунд ішінде жарылғыш заттың имитаторын тауып алды. Барлық көрсетілімдер кинолог-мамандардың түсініктемелерімен сүйемелденді, олар балаларға бүкіл іздеу процесін айтып берді. Балалар үй жануарларының полиция командаларын қаншалықты дәл орындағанына таң қалды, кейін қалаған балалар Зара лақап атты ең мейірімді қызметтік итін сипап, естелік суретіне түсті.
Танысу экскурсиясының соңғы объектісі департаменттің арнайы бөлімшелерінің бірі – жедел әрекет етудің арнайы жасағы орналасқан жер болды. Балалар ЖҚАЖ жауынгерлерінің көрсетілімдерін, заманауи қару-жарақты көре алды. Бүгінгі таңда жедел әрекет ету арнайы жасағының құрамында кәсіби және дене шынықтыру дайындығының тамаша деңгейі бар қызметкерлер жауынгерлік күрес түрлері бойынша әлем чемпионаттары мен түрлі халықаралық жарыстардың чемпиондары мен жүлдегерлері бар.
Жауынгерлер керемет жауынгерлік техниканы, қару-жарақ пен арнайы құралдарды, сондай-ақ қарулы қылмыскерлерді ұстау кезіндегі отрядтың әрекеттерін көрсетті. Экскурсияға қатысушылар бөлім қызметкерлерінің күші мен ептілігін мұқият бақылады. Кездесудің шарықтау шегі полиция қызметкерлерінің балаларының облыстың бас полицейі Думан Таевпен кездесуі болды.
Бірінші басшы балаларды Халықаралық балаларды қорғау күнімен құттықтап, олардың көпшілігі міндетті түрде ата-аналарының ісін жалғастыратынына сенім білдірді. Іс-шара «Динамо» дене шынықтыру-спорт қоғамы атынан сыйлықтар табыстаумен аяқталды.
Балалардың айтуынша, бұл күн олардың жадында ұзақ уақыт сақталады. Олардың көпшілігі қазір ата-аналар қызметінің қаншалықты қиын, кейде қауіпті екенін және күнделікті қандай маңызды міндеттерді орындайтынын түсінді.
