Ақмола облысы ПД басшысы Думан Таевтың төрағалығымен кеңес өтті. Онда полицейлер Целиноград аудандық полиция бөлімінің 2022 жылғы жедел-қызметтік қызметін қорытындылады, – деп хабарлайды Polisia.kz.
Жеке құраммен кездескен Думан Таев қатысушыларға Мемлекет басшысының 2023 жылға қойған міндеттерін, сондай-ақ ішкі істер министрінің ІІМ алқасында айтқан талаптарын жеткізді.
Кеңес барысында аудандық полиция бөлімінің бастығы Қанат Битаков криминогендік жағдай туралы баяндама жасады. 2022 жылдың қорытындысы бойынша Целиноград ауданының аумағында қылмыстық құқық бұзушылықтардың барлық түрлерінің саны азайған.
Қабылданған шаралардың нәтижесінде аса ауыр қылмыстың саны 60%-ға, ауыр қылмыс 20%-ға, ауырлығы орташа қылмыс 46,9%-ға және ауырлығы төмен қылмыс 61,3%-ға төмендеген.
Өткен жылмен салыстырғанда аудан жолдарында жол-көлік оқиғаларының 131-ден 99-ға дейін төмендеуі байқалады. Өткен жылы учаскелік полиция инспекторлары 6500-ден астам әкімшілік құқық бұзушылықты анықтады. 95 адам есепке қойылды. Көші-қон заңнамасын бұзғаны үшін 168 шетелдік жауапқа тартылды, оның 72-сіне айыппұл салынды.
Ақмолалық бас полицей аудандық полиция бөлімінің бастығына жедел-қызметтік қызметтің нәтижелілігін арттыру бойынша тиімді шаралар қабылдауды тапсырды. Кеңес барысында полиция бөлімі бастығының орынбасарлары мен қызмет бастықтарының баяндамалары тыңдалды. Думан Таев бар кемшіліктерді жою туралы нақты нұсқаулар берді.
Жұмыс сапары барысында азаматтарды жеке қабылдау өтті. Оларды қызықтыратын мәселелер бойынша әңгімелесу үшін облыстың бас полицейіне елордалық ауданның 11 тұрғыны келді.
Талапкер ауылы мен Оразақ ауылының тұрғындары жер қатынастарын реттеу, алаяқтық және құжаттарды қолдан жасау фактілері бойынша сотқа дейінгі тергеуді қайта бастау мәселесі бойынша жүгінді. Қылмыстық процестің үш буынды моделінің ерекшеліктерін түсіндіре отырып, ведомство басшысы ақмолалықтарға прокуратураға жүгінуді ұсынды.
Қабылдауға Ақмол кентінің тұрғыны балабақшалардың бірінің шаруашылық бөлімінің меңгерушісі Владимир Дистергефт жүгінді. Ол ауылға қосымша бейнебақылау камераларын орнатуды сұрады. Департамент бастығы ауыл тұрғынына белсенді азаматтық ұстанымы үшін алғысын білдірді. Қабылдауға қатысқан Целиноград ауданының әкімі бұл мәселені қарауға уәде берді, өйткені бейнебақылау камераларын орнату жергілікті атқарушы органдардың құзыретінде.
Ауданның тағы бір тұрғыны Сергей Яницкий полиция ведомствосының басшысына қарт әкесін қарауға Отанына оралған кезде Қазақстан Республикасында жұмысқа орналасу проблемалары туындағанын айтты. Қазақстан Республикасының тумасы Ресей Федерациясына көшіп, көрші мемлекеттің азаматтығын алған. Алайда белгілі болғандай, деректер базасында оның Қазақстан Республикасының азаматтығын жоғалтқаны расталмаған. Полиция департаментінің бастығы көші-қон қызметі басқармасының қызметкерлеріне туындаған мәселені шешуді тапсырды.
Ақмолалық бас полицейге Ақмола тұрғыны Петр Гаврищук келді. Ол аңшы болып жұмыс істейді. Ер адам Астанадан және басқа аймақтардан туристер келетінін айтты. Олар кейде қоршаған ортаға зиян келтіріп, қоқыстарды қалдырады, табиғи байлықты жояды, аң аулау ережелерін бұзады екен. Белсенді азаматтық ұстанымы бар ақмолалық табиғатты қорғау полициясы қызметкерлерінің жұмысын атап өтіп, оларға көлік бөлуді сұрады. Ақмоланың бас полицейі оларға қарда жүретін көлік бөлуге уәде берді.
– Біз әрқашан ынтымақтастық пен бірлескен қызмет үшін ашықпыз, – деп атап өтті Думан Таев.
