Ақшаңды көбейтіп беремін деп тұрғынның 3,8 млн теңгесін иемденген күдікті ұсталды, – деп хабарлайды Polisia.kz.
Атырау қалалық Полиция басқармасына 39 жастағы жергілікті тұрғын арызданып, әлеуметтік желі арқылы белгісіз азамат ақша берсең, көбейтіп беремін деп алдап кеткені туралы арызданды.
– Салған ақшаң ай сайын пайызбен еселеніп қайтарылатын болады деп сендіріп, жәбірленушіден жалпы 3,8 млн теңге ақша алған. Тәртіп сақшылары атыраулықты алдаған 37 жастағы қала тұрғынын анықтап, ұстады, – деді Атырау облысы Полиция департаментінің бастығы Қамза Үмбетқалиев.
Аталған іс ҚР Қылмыстық кодексінің 190-бабы 3-бөлігі (Алаяқтық) фактісі бойынша тіркеліп, сотқа дейінгі тергеп-тексеру амалдары жүргізілуде.
