Ақтау қаласы әкімдігінің "Жанұя" отбасы қолдау орталығында Маңғыстау облысы бойынша қылмыстық-атқару жүйесі департаментінің қалалық пробация қызметкерлерінің қатысуымен кездесу өтті, – деп хабарлайды Polisia.kz.
Шараның негізгі мақсаты – FSM Social сандық платформасының функционалдық мүмкіндіктерін таныстыру, оны әлеуметтік қолдауды қажет ететін азаматтармен жұмыс кезінде қолдану механизмдерін түсіндіру, сондай-ақ пробация есебінде тұрған тұлғалармен профилактикалық жұмысты жетілдіру жолдарын талқылау болды.
Кездесу барысында мамандар:
•әлеуметтік тәуекелдерді анықтау алгоритмдерін қарастырды;
•деректерді жедел жинау және өңдеу тәртібін талқылады;
•ведомствоаралық өзара әрекеттестікті тиімді ету жолдарын зерттеді.
Арнайы назар есепте тұрған тұлғаларға көрсетілетін психологиялық, құқықтық және әлеуметтік көмек түрлеріне аударылды. Сарапшылардың ортақ пікірінше, сандық технологиялар көрсетілетін қызмет сапасын арттырып, қолдауды нақты бағытталған етуге мүмкіндік береді.
Кездесудің қорытындысы бойынша сандық құралдарды кеңінен қолдану және қала әлеуметтік қызметтерімен ынтымақтастықты одан әрі нығайту бойынша нақты шаралар ұсынылды.
