Ақтөбе облысында қылмыс деңгейі төмендеді, – деп хабарлайды Polisia.kz.
2024 жылы Ақтөбе облысында қылмыс деңгейінің айтарлықтай азайғаны байқалады. Жыл бойы тіркелген қылмыстық құқық бұзушылықтардың саны 783 жағдайға кеміп, бұл оң динамиканы көрсетті.
Атап айтқанда, келесі қылмыс түрлерінің төмендеуі тіркелді:
денсаулыққа ауыр зиян келтіру – 10%;
ұрлық – 23%;
мал ұрлығы – 30,5%;
тонау – 20%.
Сонымен қатар қылмыстардың ашылу деңгейі артты. Бұзақылық пен кәмелетке толмағандар жасаған құқық бұзушылықтар саны да азайды. Аймақта бейнебақылау жүйелерінің тиімділігі жоғары болып, жол қозғалысы ережелерін бұзу сияқты 138 мыңға жуық әкімшілік құқық бұзушылық анықталды.
Есірткі қылмыстарына қарсы күрес нәтижесінде 2024 жылы 261 қылмыстың жолы кесіліп, 450 кг-нан астам есірткі заттары тәркіленді. Оның ішінде 9 кг-нан астамы синтетикалық есірткі.
Дегенмен, негізгі мәселелердің бірі ретінде киберқылмыстар қалуда. Өткен жылы интернет-алаяқтықтың 1000-нан астам фактісі тіркелді.
Сондай-ақ іздеуде жүрген 46 қылмыскер ұсталып, жоғалған 1382 азаматтың жүрген жері анықталды. Бұл жетістіктер құқық қорғау органдарының қылмысқа қарсы күрестегі тиімді жұмысының айқын дәлелі.
