Ақтөбе облысында полицейлер жоғалған 10 бас жылқыны тапты, – деп хабарлайды Polisia.kz.
Қобда ауданы полиция бөліміне шаруашылық қожалығының иесі жүгінді. Оның айтуынша, 22 мамыр күні Жарық ауылынан 15 шақырым жердегі еркін жайылымнан 10 бас жылқы жоғалып кеткен.
Учаскелік полиция инспекторлары мен криминалдық полиция қызметкерлерінен жедел іздестіру тобы құрылды. Іздестіру тобы жоғалған малдардың болу мүмкін жерлерін қарастырды.
Үшінші күні учаскелік полиция инспекторы Батыс Қазақстан облысы шекарасында Қобда ауданының Жарық ауылынан 85-90 шақырым жерден жоғалған жылқыларды тапқан.
– Барлық жылқылар иесіне қайтарылды. Мал жаю ережелерін бұзғаны үшін шаруашылық иесіне қатысты ҚР ӘҚБтК-нің 408-бабы бойынша хаттама толтырылды. Көбінесе мал еркін жайылымда болған, сондықтан қылмыстың көзіне айналған, – деп түсіндірді Қобда ауданы ПБ бастығы Ардақ Наяшев.
