Ақтөбе облысында полиция "Айбын — 2025" халықаралық әскери-патриоттық жастар жиынында қауіпсіздікті қамтамасыз етті, – деп хабарлайды Polisia.kz.
Ақтөбе облысында полицейлер "Айбын - 2025" XI халықаралық әскери-патриоттық жастар жиынын сәтті және қауіпсіз өткізуге елеулі үлес қосуда. Полицейлер құқық тәртібін қамтамасыз етуде кәсібилік пен жауапкершіліктің жоғары деңгейін көрсетеді.
Жиын барысында қоғамдық қауіпсіздік пен құқықтық тәртіпті қамтамасыз ету маңызды міндеттердің бірі. Құқық қорғау органдарының өкілдері іс-шараны жоғарғы деңгейде өткізіп, қатысушылар мен қонақтардың жайлылығына барлық жағдай жасайды.
Әскери полиция қызметкерлері лагерь аумағында тәртіптің сақталуын бақыласа, ал полиция қызметкерлері жол қауіпсіздігін қамтамасыз етеді және іргелес аймақтардағы қоғамдық тәртіпті бақылайды.
"Айбын" - бұл жай ғана жарыс емес, бұл жастарды тәртіп, Отанға деген адалдық рухында тәрбиелеуге арналған алаң. Құқық қорғау органдары осы маңызды миссияны табысты жүзеге асыруға белсенді түрде жәрдемдесуде.
