Ақтөбе облысы Полиция департаменті жол-көлік оқиғасына тап болған жаяу жүргіншінің аты-жөнін анықтап жатыр, – деп хабарлайды Polisia.kz.
17 маусым күні сағат кешкі 18:10-да «Лидер» қонақ үйіне қарама-қарсы Едіге даңғылымен Бәйішев көшесінің жағынан Жанақоныс ауылына қарай қозғалар жолда ресей есебіндегі «Ваз-21102» маркалы автокөлігінің жүргізушісі реттелмеген жаяу жүргіншілер өтпелінде жаяу жүргіншіні қағып кеткен.
Жол-көлік оқиғасы салдарынан жаяу жүргінші Ақтөбе қаласы Жедел жәрде ауруханасының жан сақтау бөліміне жатқызылды. Қазіргі кезде оның аты-жөні анықталмады.
Жаяу жүргіншінің белгілері: бет-пішіні азиялық сипатта, 45-50 жас шамасында. Сонымен қатар, жол-көлік оқиғасының куәгерлері де іздестіріліп жатыр.
Жаяу жүргіншінің туыстары мен жақындары, жол-көлік оқиғасының куәгерлері 936-403, 8777-353-24-10, 8 702 226-44-03 телефон нөмірлеріне хабарласуыңызға немесе Полиция департаменті Анықтау басқармасының 403 кабинетіне жолықсаңыз болады.
