Ақтөбе облысында жол-көлік оқиғасынан төрт адам көз жұмды, – деп хабарлайды Polisia.kz.
24 наурызда «Қандыағаш-Ембі-Шалқар» автожолында жол-көлік оқиғасы орын алып, адамдар қаза болды.
40 жастағы «Лада-Приора» автокөлігінің жүргізушісі Ембі қаласы жағынан Қандыағаш қаласы бағытында «Қандыағаш-Ембі-Шалқар» автожолымен 61 шақырым қашықтығында Ізімбет кентінің маңында басып оза отырып, шығатын қозғалыс жолағы басып озу үшін жеткілікті қауіпсіз және осы жолмен қарсы келе жатқан көлік құралдарына кедергі келтірмейтініне көз жеткізбей, басқа «Лада-Приора» автокөлігімен соқтығысуына жол берген.
Жол-көлік оқиғасы салдарынан жүргізуші мен 32 жастағы әйел, 14 жастағы бала оқиға орнында көз жұмды, ал 3 жасар қыз Ембі қаласының орталық ауруханасына жатқызылды.
Сонымен қатар, басқа көліктің жүргізушісі мен алты жолаушысы Ембі қаласының орталық аудандық ауруханасына жатқызылды, онда 51 жастағы жолаушы есін жимастан қайтыс болды.
ЖКО фактісі бойынша ҚР ҚК 345-бабы 4-бөлігі бойынша сотқа дейінгі тергеу жүргізілуде.
Осыған байланысты, Ақтөбе облысының Полиция департаменті жүргізушілерді жол жүру ережелерін сақтауға шақырады, өйткені Сіз және басқа да жол қозғалысына қатысушылар сіздің ойланбаған әрекеттеріңізден зардап шегуі мүмкін.
Есіңізде болсын – жол қателіктерді кешірмейді!
