Ақтөбе облысында ғұмырын ішкі істер органдарында қызмет етуге арнаған ІІО ардагері, отставкадағы полиция капитаны Жанпеисов Орынбасар Отарбайұлы мерейлі 90 жасқа толды, – деп хабарлайды Polisia.kz.
15 шілде күні ІІО ардагері, оставкадағы полиция капитаны Жанпеисов Орынбасар Отарбайұлы мерейлі 90 жасқа толды.
Ардагерді мерейтойымен Ақтөбе облысы полиция департаментінің Ардагерлер кеңесінің төрағасы Ғ.Дәулеталин, ІІО ардагерлері Н.Туребеков, Т.Нұрбай және кадр саясаты басқармасының бастығы Ж.Нысаналин арнайы құттықтап, үйіне барды.
ІІО ардагері Орынбасар Жанпеисов Ақтөбе облысының Ойыл ауданында туып-өскен, өзінің қызмет жолын 1963 жылы Темір ауданында учаскелік полиция инспекторы болып бастап, 1985 жылы Байғанин ауданында учаскелік полиция инспекторы лауазымында зейнеткерлік демалысқа шыққан. Қызмет жолында бірнеше аудандарда учаскелік полиция инспекторы болып, қызметте мол жетістіктерге жеткен. “Милиция үздігі” төсбелгісімен, “Кеңес милициясына 50 жыл” медалімен, құрмет грамоталарымен марапатталған.
Қызмет жолында қай жерде жүрсе де, О.Жанпеисов өзінің кәсібилігі, адалдығы мен шыншылдығының арқасында халық пен жеке құрамның алдында үлкен құрмет пен беделге ие болған.
Биыл 90 жасын қарсы алып отырған ІІО ардагеріне құттықтаушылар жүрекжарды тілектері мен лебіздерін білдіріп, алдыда темірқазық болар осындай ағалардың барын мақтан ететінін айтып, ақсақалға кейінгі ұрпаққа үлгі болған адал қызметі мен жас полицейлерді тәрбиелеуге қосқан үлесі үшін алғыстарын жеткізді.
