Ақтөбеде есірткілік масаң күйде көлік басқарған жүргізуші ұсталды, – деп хабарлайды Polisia.kz
26 шілде күні сағат 01.00 шамасында Сәңкібай батыр даңғылында патрульдік полиция қызметкерлері 37 жастағы жүргізушінің басқаруындағы Daewoo Gentra автокөлігін тоқтатты. Оның жағдайы полиция қызметкерлерінің күдігін тудырды. Сараптама жүргізіліп, қанда есірткі заттарының бар-жоғы тексерілді. Бұдан басқа жүргізушінің бұрын көлік құралын басқару құқығынан айырылғаны, бірақ соған қарамастан көлікті есірткілік масаң күйде басқарғаны анықталды.
ҚР ҚК-нің 346-бабының 1-бөлігі (Есірткіге мас күйінде көлік құралдарын басқару құқығынан айырылған адамның көлік құралын басқаруы) бойынша тергеу әрекеттері жүргізілуде. Жүргізуші Ақтөбе қаласы ПБ-ға қамалды. Автокөлік арнайы тұраққа қойылды.
