Ақтөбеде көлік шанағын ұрлап, металл қабылдау пунктіне өткізіп жіберген азамат анықталды, - деп хабарлайды Polisia.kz.
№1 қалалық полиция бөліміне 31 жастағы жергілікті тұрғыннан арыз келіп түсті. Ақтөбелік азамат Chevrolet Lacetti автокөлігінің өртенген шанағын ұрлағаны туралы мәлімдеді. Жәбірленушінің көлігі Есет батыр көшесінде тұрғаны және шанағы өртеніп кеткеннен кейін біраз уақыт пайдаланбағаны белгілі болды. Полиция қызметкерлері 28 жастағы ер адамды анықтап, ұстады. Ол көлікті металл қабылдау пунктіне тапсырғаны анықталды.
Осы факті бойынша ҚР ҚК-нің 188-бабы 1-бөлігі (Ұрлық) бойынша сотқа дейінгі тергеу басталды.
Мұндай жағдайлардың алдын алу үшін Ақтөбе облысының полиция департаменті қырағы болуды және қауіпсіздіктің қарапайым ережелерін сақтауды және өз мүлкін сақтау үшін барлық қажетті шараларды қабылдауды ұсынады.
