Ақтөбеде пәтерден сейф ұрлаған үшеу ұсталды, – деп хабарлайды Polisia.kz.
Ағымдағы жылдың маусым айында Ақтөбе қаласындағы көпқабатты үйдің бірінші қабатында орналасқан пәтерлердің бірінде зергерлік бұйымдар мен ақша қаражаты бар сейф ұрланған.
Ақтөбе қалалық Полиция басқармасының қызметкерлері жедел іс-шаралар кешенін өткізу барысында күдіктілер анықталып, ұсталды. Бұл ұрлыққа облыс орталығының үш тұрғынының қатысы бар болып шықты. Тінту кезінде олардың бірінің үйінің ауласынан жерге көмілген сейф табылған.
Аталған факті бойынша ҚР ҚК 188-бабының 3-бөлігімен сотқа дейінгі тергеу амалдары жүргізілуде, осы баптың санкциясында мүлкі тәркіленіп, 7 жылға дейін бас бостандығынан айыру жазасы көзделген.
Күдіктілер уақытша ұстау изоляторына қамалды.
