Ақтөбеде ҚАЖ қызметкерлері суицидтің алдын алу бойынша семинар-тренингке қатысты, – деп хабарлайды Polisia.kz.
Ішкі істер органдары қызметкерлерінің арасында суицидтің алдын алу – психологиялық қызметтің ең маңызды тақырыптарының бірі. Осы орайда, Ақтөбе облысы бойынша қылмыстық-атқару жүйесі департаментінің кадр саясаты бөлімшесінің ұйымдастыруымен басқару аппараты қызметкерлері және департаментке қарасты №8, №9, №70 түзеу мекемелері басшыларына «Ішкі істер органдары қызметкерлері арасындағы суицидтің алдын алу» тақырыбында семинар-тренинг өткізілді.
Семинар-тренингте қазіргі қоғамда белең алған өз-өзіне қол жұмсау патологиясының өсуі, теріс факторлар, еңбекке жарамды және егде адамдардың, оның ішінде жалпы ІІО қызметкерлерінің арасында суицид әрекетін жасау белсенділігінің өсуі жайында терең тоқталынып, қазіргі таңда оның шешу жолдары мен суицидтік әрекеттерді болдырмау, сондай-ақ жеке құрамның психикалық денсаулығын сақтап, нығайту бойынша психогигиеналық және оңалту шараларын қабылдау бойынша бірлескен іс-шаралар кешенімен жеңу бойынша бірқатар жолдар жіктеліп, талқыланды.
Сонымен қатар семинар барысында девиантты мінез- құлық қалыптастыруға ықпал ететін өмірлік кризистік жағдайлар мен олардың негізгі шешу жолдары түсіндіріліп, «Өмірдің кұндылығы» атты бейнеролик және слайдтар көрсетілді. Шара сонында жеке құраммен жұмыс жасау, девиантты мінез-құлықтың алдын алу бойынша ұсыныстар берілді.
Айта кету керек, аталған іс-шара қатысушылар үшін тәжірибелік пайдасы жоғары атмосферада өткізілген семинар-тренинг болды.
