Ақтөбеде үш көліктің қатысуымен жол апаты орын алды, – деп хабарлайды Polisia.kz.
Апат 14 маусымда түнгі сағат 23:50 шамасында болды. 24 жастағы ВАЗ-211440 автокөлігінің жүргізушісі Әбілқайыр хан даңғылымен «Өнер орталығына» қарама-қарсы жүріп, ЖҚЕ бұзып, төрт және одан да көп жолағы бар екі жақты қозғалысы бар жолда қарсы қозғалысқа арналған жолаққа шығып, қарсы бағытта бұрылайын деп тұрған Nissan Primera автокөлігімен соқтығысқан. Осыдан кейін ВАЗ-211440 қозғалыс бағытын өзгертіп, Mazda-323 автокөлігімен соқтығысты.
Жол-көлік оқиғасы салдарынан Mazda-323 автокөлігінің 34 жастағы жүргізушісі ауруханаға жеткізіліп, медициналық көмек көрсетілгеннен кейін үйіне жіберілді. Сондай-ақ дәрігерлердің көмегіне ВАЗ-211440 жүргізушісі мен оның 26 жастағы жолаушысы да жүгінді.
Аталған факті бойынша сотқа дейінгі тергеу амалдары жүргізілуде.
