Ақтөбе облысының тұрғыны көмек көрсеткен полицейлерге әлеуметтік желі арқылы алғысын білдірді, – деп хабарлайды Polisia.kz.
Ақтөбелік жол полицейлері жол-көлік оқиғаларының алдын алу және жол қозғалысы қауіпсіздігін қамтамасыз ету мақсатында облыс жолдарында тәулік бойы кезекшілік етеді. Көбінесе полицейлер жолда көліктерін сындырған жүргізушілерге көмек көрсетіп жатады. Ақтөбе облысының бей-жай қарамайтын полицейлеріне жүргізушілерден көптеген алғыс хаттар келіп түсуде.
«Қарабұтақ-Қостанай» тас жолында патрульдеу кезінде полиция қызметкерлері Е.Құлманов пен А. Темірбекұлы автожолда сынған автокөлікке көмек көрсетті.
10 тамызда полицей Е.Құлманов, учаскелік полиция инспекторы А. Темірбекұлы «Қарабұтақ-Қостанай» автожолында жол-көлік оқиғаларының алдын алу және жол қозғалысы қауіпсіздігін қамтамасыз ету бойынша қызметте болған. Сағат 21.30 шамасында олар жолдың 143 шақырымында ақауы бар «Газель» автокөлігін тапты. «Газель» автокөлігінің жүргізушісі Ерлан Кущанов автокөліктің істен шығуы туралы айтып, полицейлерден көмек сұрады. Е.Құлманов пен А. Темірбекұлы жүргізушіге Темірбек Жүргенов атындағы ауылға сынған автокөлігін апарып, жөндеуге көмек көрсетті.
2020 жылдың 15 тамызында жүргізуші Е.Кущанов «Instagram» парақшасында полиция қызметкері Е. Құлманов пен А. Темірбекұлына көрсеткен көмегі үшін алғысын білдіріп, басшылардан оларды көтермелеуді өтінді.
– Жол полицейлерінде осындай жағдайларда әрекет етуі заңды: көмекке келу, сол жерде көмек көрсету, қажет болған жағдайда эвакуаторды шақыру немесе эвакуацияны ұйымдастыру. Біз қызметкерлерімізге кез-келген жағдайда адамдарды қараусыз қалдырмауға үйретеміз.
Алғыс сөздер – бұл күндіз – түні облыс жолдарында қызметте жүретін, жол қауіпсіздігін қамтамасыз ету және қиын жағдайда азаматтарға көмекке келу міндеті болып табылатын адамдар үшін жақсы сөздер деп санаймын, – дейді Әйтеке би аудандық полиция бөлімінің бастығы Абзал Шотанов.
