Арал аудандық пробация қызметінің есебінде тұрған азаматтар еріктілер қатарына қосылып, аудандағы көмекке зәру азаматтарға қол ұшын беріп келеді, – деп хабарлайды Polisia.kz.
Жуырда аудан еріктілерінің қатарына қосылған пробация есебіндегі сотталған азамат кезекті қайырымдылық шарасын ұйымдастырды, ол өз есебінен отбасылық жағдайы төмен, көмекке мұқтаж есептегі азаматқа азық-түлік жеткізіп берді.
Жақында аталған азамат аудан тұрғыны болып табылатын мүгедек жанның баспанасын жөндеуге атсалысып, көмек қолын соған еді.
– «Қайырымдылық жасасаң, қайырын өзің көресің» демекші, қамкөңіл жандарға қол ұшын созу – игі іс. Мен сияқты жаза басып, жаңылған азаматтар арасында көпбалалы, тұрмыс жағдайы төмен отбасылар көп. Осы азаматтарға қолымнан келгенше көмек қолын созуға тырысамын, – деді ол.
