Арқалықтық полицей қыз «Қазақстанның үздік магистранты» төсбелгiсiмен марапатталды, – деп хабарлайды Polisia.kz.
Арқалық қаласы ПБ Жергілікті полиция қызметі бөлімінің Ювенальды полиция тобынын учаскелік инспекторы Аягөз Әмірхамза білім және ғылым жолында жеткен жетістіктері үшін «Қазақстанның үздік магистранты» төсбелгiсiмен марапатталды.
«Қазақстанның үздік магистірі және магистранты» аталған Республикалык байқауды «Bilim-Orkenieti» ұлттык инновациялық ғылыми зерттеу орталығы ұйымдастырды. Жас мамандардың инновациялық әлеуетін арттыру, зерттеушілік қабілетін дамыта отырып, тәжірбие алмасу мақсатында қолға алынган шараға еліміздің әр өңірінен 200-ден аса материал келіп түсті. 83 үздік деп іріктелген қатысушының арасында Арқалық қаласы ПБ Жергілікті полиция қызметі бөлімінің Ювенальды полиция тобының учаскелік инспекторы Аягөз Әмірхамза да бар. Ол «Қазақстанның үздік магистранты» төсбелгісімен марапатталып, жеткен жетістіктері үшін І Дәрежелі дипломымен марапатталып, арнайы жинаққа еніп отыр.
