Астана тұрғыны супермаркеттен қымбат ішімдікті ұрлаған, – деп хабарлайды Polisia.kz.
Сауда желісінің өкілі кешкі уақытта супермаркеттен бірнеше бөтелке қымбат Martell XO коньяктар ұрланғаны туралы полицияға арыз жазған. Жедел-профилактикалық іс-шара барысында Алматы қаласы ПБ криминалдық полиция бөлімінің қызметкерлері 36 жастағы Астана тұрғынын анықтаған.
Аталған күдікті супермаркетке кіріп, өзін ешкім бақылап тұрмағанын пайдаланып, сөреден бір қорап алкогольдік сусынды алып, ішіндегісін қалтасымен қойнына тығып, 85 мың теңгеден астам материалдық шығын келтірген. Қаскүнемнің әрекеті бейнебақылау камераларына жазылып қалғандығы тәртіп сақшыларының оның ізіне түсуге жол ашқан.
Аталған факті бойынша ҚР ҚК-нің 188-бабымен (Ұрлық) сотқа дейінгі тергеу амалдары жүргізіліп жатыр. Ер адам кінәсін мойындап, айғақты заттар алынды. Оның елордада жасалған осыған ұқсас басқа да қылмысқа қатысы бар-жоғы анықталып жатыр.
