Атырау облысы полиция департаментінің бастығы Оңал Бекеев қызметтік іссапармен Махамбет және Индер аудандарына барып, аудандық полиция бөлімдерінің қызметімен танысты, - деп хабарлайды Polisia.kz.
Жұмыс сапары барысында департамент бастығы аудандық полиция бөлімдерінің жеке құрамымен кездесіп, қоғамдық қауіпсіздікті қамтамасыз ету, құқық бұзушылықтардың алдын алу және тұрғындармен тиімді кері байланыс орнату бағытында атқарылып жатқан жұмыстарды талқылады. Сонымен қатар құқықтық тәртіпті нығайту, профилактикалық шараларды күшейту және халықпен ашық әрі нәтижелі жұмыс жүргізу мәселелеріне ерекше назар аударылды.
Сапар аясында Оңал Бекеев учаскелік полиция пункттері мен бекеттерді аралап, олардың материалдық-техникалық қамтамасыз етілу деңгейін тексерді. Қызметтік автокөліктердің, арнайы құрал-жабдықтардың жай-күйімен танысып, олардың қызметтік міндеттерді тиімді орындаудағы маңыздылығын атап өтті.
Индер ауданына сапары кезінде департамент бастығы учаскелік полиция пунктінде ашылған профилактикалық кабинеттің жұмысымен танысты. Профилактикалық бағыттағы іс-шаралардың тиімділігін арттыру, тұрғындармен түсіндіру жұмыстарын жүйелі жүргізу және құқық бұзушылықтардың алдын алу бойынша нақты тапсырмалар берді.
Сонымен қатар сапар барысында аудан тұрғындарымен және кәсіпорын қызметкерлерімен кездесулер өткізіліп, азаматтардың ұсыныс-пікірлері тыңдалды. Көтерілген мәселелер бойынша оларды заң аясында шешуге бағытталған тиісті тапсырмалар жүктелді.
Департамент бастығы жеке құрамға қызметтік тәртіпті қатаң сақтау, кәсіби жауапкершілікті арттыру, қоғамдық қауіпсіздікті қамтамасыз ету және халықпен сенімді қарым-қатынас орнату бағытында нақты міндеттер қойды.
Аталған жұмыс сапары полиция қызметінің тиімділігін арттыруға, құқық бұзушылықтардың алдын алуға және полиция мен қоғам арасындағы өзара сенімді нығайтуға бағытталған маңызды қадам болды.
