Атырау облысында 100 келіге жуық бекірені заңсыз тасымалдаған ер адам ұсталды, - деп хабарлайды Polisia.kz.
Исатай аудандық полиция бөлімінің қызметкерлері Атырау-Астрахан тас жолы бойында тексеру жүргізіп, 43 жастағы ер адамның Datsun автокөлігінен жүк салғышқа салынған 100 келіге жуық бекіре тұқымдас балығын анықтап, тәркіледі.
- Қазір бекіре тұқымдас балықтарды заңсыз тасымалдаған 43 жастағы көлік жүргізушісіне қатысты ҚР Қылмыстық кодексінің 339-бабының 2-бөлігі 5-тармағымен сотқа дейінгі тергеп-тексеру басталды. Өзге ақпарат ҚПК-нің 201-бабына сәйкес жариялануға жатпайды, - деді Атырау облысы Полиция департаментінің бастығы Нұрхат Оразбаев.
