Атырауда жыл басынан бері 800-ден астам тұлғаға қорғау нұсқамасы шығарылды, - деп хабарлайды Polisia.kz.
Атырау қалалық полиция басқармасы жергілікті полиция қызметі бөлімі отбасы тұрмыстық зорлық-зомбылыққа қарсы күрес жөніндегі бөлімше қызметкерлері учаскелік полиция инспекторларымен бірге жиі жанжал орын алатын отбасыларды тексеру жұмыстарын жүргізуде.
Қала аумағында жыл басынан бері 102 арнасына 1000-нан астам хабарлама келіп түсіп, 822 тұлғаға қорғау нұсқамасы шығарылды. Сондай-ақ 186 адамға сотпен мінез-құлықтарына ерекше талаптар белгіленген.
Егер сіз тұрмыстық зорлық-зомбылықтың құрбаны немесе куәгері болсаңыз, төменде көрсетілген нөмірлер арқылы құқық қорғау органдарының қызметкерлерінен кеңес ала аласыз: 102 арнасы.
Сенім телефоны: 98-10-99
